«القضية فيها شي حاجة».. هكذا يهاجم أصحاب نظرية «مالك مزغب» إبنة بنكيران

29 يونيو 2016 17:48
«القضية فيها شي حاجة».. هكذا يهاجم أصحاب نظرية «مالك مزغب» إبنة بنكيران

عبد الصمد الصالح

هوية بريس – الأربعاء 29 يونيو 2016

* رئيس الحكومة وظف ابنته إلى جانبه في الأمانة العامة للحكومة

– الأمانة العامة للحكومة هي وزارة على رأسها الوزير الضحاك

* إذن بنكيران أمر الضحاك لي معاه فالحزب باش يوظفلو بنتو

– الضحاك وزير مستقل محسوب على القصر لبا علاقة له بالبيجيدي ويرأس الوزارة منذ سنواااات

* المهم بنكيران طلب منو يوظف لو بنتو

– سمية بنكيران اجتازت المباراة ونجحت في الامتحان الكتابي والشفوي

* ولكن هاد المباراة راه رئيس الحكومة لي وصلها خبارها حيت هاد شي ما كيوصلش لولاد الشعب

– المباراة أعلن عنها على موقع الوزارة وفي كل المواقع المهتمة بمباريات التوظيف في المغرب بحال وظيفة وبحال ماروك اومبلوا

* ولكن ماشي اخلاقي يكون باك رئيس الحكومة وتمشي تدوز مباراة وتنجح فيها، والمغرب عامر بالكفاءات

– البنت عندها ماستر فالقانون وماستر ثاني فالدراسات الإسلامية

* وعلاش باباها كينصح المعطلين يمشيو للتجارة وهي مشات للوظيفة

– سنوات والبنت كتبريكولي فأعمال بسيطة باش كتدبر حياتها، ودابا جات فرصة تقدمت ونجحت

* وعلاش بنكيران كيقول الوظيفة اضيق ابواب الرزق وكيقول للمعطلين، دابا وساع هاد الباب

– بنكيران كيقول الدولة ما غتخدمشي كلشي وكيقول لحاملي الشواهد يتقدمو للمباريات ويدخلو بكفاءتهم، والمباريات ماعمرها توقفت، ديما كاينة وديما كينجحو ولاد الشعب وكيتوظفو

* ولكن هاد المنصب باااينة غادي تشد فيه الملايين

– المنصب هو متصرف من الدرجة الثانية، يعني جهدها 8000 درهم

* وراه ماشي غير بوحدها كاينين ناس آخرين من الحزب ديالهم، واش ما شفتيش الصورة لي كدور؟

– الصورة كذب على الناس لي فيها، ولي لا علاقة لهم بالصفات لي عطاوهم، ومجرد اختلاق

* المهم القضية فيها شي حاجة

– بصح ملي ولات بنت رئيس الحكومة كتدوز المباراة فحال عباد الله باش تخدم بأجر متوسط راه فعلا “شي حااااااجة”

آخر اﻷخبار
1 comments
  1. بدل أن تغطي الجريدة الشمس بالغربال وجب عليها إيقاظ مسؤولي العدالة أو على الأقل بعضهم من سباتهم. أكن للجريدة حبا واحتراما ولكن لا أوافقها الرأي في التصفيق للحزب الحاكم وهي تعلم جيدا أنه ضحك على الشعب، ومد يده إلى جيوبهم عن طريق الزيادة في الأسعار على اعتبار أن المواطن هو الحائط القصير ولم يتجرأ على محاربة الفساد وهو الشعار الذي جاء به. هل تحدثت الجريدة عن “كاطكاطات” الشوباني؟ وهل تحدثت الجريدة عن “لقوة” مصطفى الخلفي بعد أن أرعد وأزبد بخصوص مسلسلات دوزيم؟ وهل تحدثت عن تناقضات الحزب بخصوص موازين فقد كان له في أيام المعارضة كلام وفي أيام الحكم أصبح له كلام آخر، وهل وهل…….

التعليق

اﻷكثر مشاهدة

حالة الطقس
24°
23°
الجمعة
26°
السبت
23°
أحد
22°
الإثنين

حديث الصورة

كاريكاتير