رسالة صوتية من مغربي معتقل بإسبانيا بتهمة الإرهاب يستنجد بالملك

02 يونيو 2017 16:52
رسالة صوتية من مغربي معتقل بإسبانيا بتهمة الإرهاب يستنجد بالملك

هوية بريس – مصطفى الحسناوي

توصلت “هوية بريس”، من زوجة المواطن المغربي عبد الإله ميكو، بتسجيل صوتي من زوجها، المعتقل بإسبانيا بتهمة الإرهاب، يوجه فيه النداء لجلالة الملك محمد السادس، قصد مساعدته.

ونظرا لضعف الصوت، فإننا ننشره مفرغا، كما وصلنا أيضا من زوجته، باللغة التي سجل بها “الدارجة”

السلام عليكم ورحمة الله وبركاته أخوتي المغاربة أنا مواطن مغربي عبد الإله ميكو رقم البطاقة الوطنيةl405647 من مدينة تطوان حي بريو ملاقا سبيطار منيطار المقيم بي ديار الإسبانية أوجه هده رسالة إلى ملكنا صاحب الجلالة محمد السادس حفظه الله وإلى جميع المغاربة داخل الوطن وخارجه أنا حاليا مسجون ظلما وعدوانا في السجن بيكسين الموجود في مدينة فالينسيا بي إسبانية بي تهمة الإرهاب أخوتي المغاربة هدي خمس سنين باش رجعت البلادي المغرب باش نبقا حدا الواليدة ديالي وحبابي حيتاش الغربة صعيبة ومبغيناش نبيعو سنسيا لي بقات ونزيدكم أخوتي سبب الواحد لي خلاني نرجع البلادي هي الواليدة ديالي الكبيرة فالسن وعندا أمراض مزمنة وأنا الواحيد لي كنقبلها فا هبطت كنخدم كيف ما قلت لكم فهاد خمس السنين فباب سبة وكنت عيش مزيان بي فضل الله تعالى وكل الناس كانت كتعرفني رجل درويش وكنخدم على العائلة ديالي لا من رجال الجمارك ولا من اليطنات ولا من روئساؤهم حتى رؤساء رجال الأمن أما البراكدية فحالي سقسيو عليا واحد ب واحد واش أنا إنسان خطير فحال لي كيتهموني هاد الناس أخوتي أخوتي المغاربة كل نهار كنهبط كنترزق على الله فحالي فحال خوتي مدة خمس سنين حتى تفجأت يوم الثلاثاء 11 أكتوبر 2016 بالقبض عليا من طرف الشرطة الإسبانية بي تهمة الإرهاب ومن بين هاد الإتهمات كيقولو لي أخوتي اني كننتامي الواحد الجمعية لي هوما كيعتبروها جمعية إرهابية متطرفة هاد الجمعية هي اللجنة المشتركة لي دفاع عن المعتقلين وأنا معندي حتى شي إنتماء الهاد الجمعية وكيف مكتعرفو أخوتي المغاربة أن هاد الجمعية غير الإرهابية بل هيا مرخصة من طرف صاحب الجلالة حفظه الله وأن هده الجمعية هي جمعية تقوم بي وقفات سلمية بل هي ضد الإرهاب وتطرف أنا حاليا أخوتي المغاربة موجود بالسجن الإنفرادي المسمة بين قوصين (الكاشو) لي مدة تمانية أشهور قبل الإعتقالي خليت زوجة ديالي حامل وكنت كننتظر وقت وضع الحمل بي شوق وفرحة كبيرة وبين عاشية وضحها حرموني من هاد الفرحة ودابة المولود ديالي عندو 4 أشهور وباقي مشفتوشي حتى ف صور وانا خوتي ماشي بوحدي لي عندي هاد المعنات راه كاين بزاااف د المغاربة عندم نفس المشكلة ومكين حتى حد لي يتكلم بي إسمنا علاش أخوتي المغاربة حنى مني كنتشدو خارج أرض الوطن مكيجي حد يسول فينا واش حنى ماشي مواطينين مغاربة واش مكيناش حكومة لي يجيو يسولو على أبناء الوطن حتى القنصل أخوتي مجاشي العندي ولا مكانش عندنا هاد المسؤولين لي يسولو على أبناء الوطن فا عندنا ملكنا وحبيبنا صاحب الجلالة الملك محمد السادس حفظه الله غير المشكل مكتوصلوش بالمعنات ديالنا ودابة أخوتي كنطلب منكم أنكم تنشرو هده رسالة على قدر الإستطاعة باش توصل إلى صاحب الجلالة حفظه الله باش يشوف المشكل ديالنا لأنه الواحيد من بعد الله عز وجل لي يقدر يخرجنا من هاد المحنة باش رجعو البلادنا ولدنا عاش الملك الله الوطن الملك.

آخر اﻷخبار
1 comments
  1. فك الله أسرك.
    لو كنت يا أخي سعد لمجرد لوجدت تعاطفا أكبر بكثير. و هل أصلا سبتة التي يعربد فيها أولئك النتنى هي إسبانية؟

التعليق

اﻷكثر مشاهدة

حالة الطقس
18°

كاريكاتير

حديث الصورة

128M512M