رسالة من ساكنة سهب القائد.. لغة وحجم الألم فيها ينسيك أخطاءها الإملائية

هوية بريس – عبد الله المصمودي

أطلقت السلطات المحلية بمدينة سلا حملة كبيرة لهدم دور الصفيح التي لا تزال متواجدة فوق ترابها، وقد انطلقت الحملة الأسبوع الماضي، ومن الأحياء الصفيحية المهمة التي ستطالها، ما يسمى “سهب القايد”، وهو أحد الأحياء الصفيحية الضخمة في المدينة رفقة “الديبو” بتابريكت، و”النوايل” بحي سيدي موسى، هذا الحي الذي يقول ساكنوه أنه لا يزال به أزيد من 2000 براكة.

عن طريقة تعامل السلطات ومفاجأة الساكنة بانطلاق الحملة، ونقلهم إلى مكان بعيد جدا، خارج المدينة، كتب أحد أبناء هذا الحي رسالة بلغة ركيكة، لكن حجم الألم فيها كبير جدا، ومعبر جدا عن ما سيعانيه هؤلاء مع هدم براريكهم ونقلهم لخارج المدينة، والرسالة نشرتها بعض صفحات فيسبوك السلوية، ننقلها لكم بنصها وأخطائها:

“رسالة من ساكنة سهب القائد:

كناا جالسين حتى جا المقدم قالك ايكون الاحصاء حنا قلنا فحال اي احصاء تيدوووز ولكن حنا عمرنا شفنا شي احصااء بالليل دخلوو فالناس الخلعة حيت مكاينش هنا 50 براكة ولا 100 راه ازيد من 2000 براكة كولشي تيقول هضرة راه ايربو الغد ليه والهضرة كاتروج الناس الكبار تخلعوو حيت ماعطااوش حتى مهلو محددة معطاو حتى خطاب يفهمو الناس ويوعيوهم جاو دارو جوج المكاتيب اه وطلب لي طلبو منا 3 المليون اتقسمها نت وجار ديالك يعني جوج جيران ف بقعة وهناا كاينيي عائلات كبار ماشي جوج دالناس ولا ثلاثة وماعرفناش شكون هاد الجار لي يقدر يطيح معك واش مزيان ولا لا قلناا ماعليش فاش سولنا فين كاينة هاد الارض قالو ف بوقنادل قلناا مزيان فاش مشيناا نشووفوو هاد الارض لقينا سووق الحد لي كاين ف بوقنادل كايبعد كيلومترات على فين عطاونا والارض لي وراوناا ماشي هي لي ايعطيونا حيت هاديك مجهزة كايوريوها النااس وليوم فالصباح جاو صحاب ديك الارض كايقولو ليهم الارض ماشي ديالكم تنقسم لك اخويا بمن احل القسم مكاين ت حاجة تمااا لا مداارس لا مساجد حتى الناس باش تشوفهم مكايدوروش حتى طموبيلات مكايدوزوش غير الكاميوات لا مرافق عموومية لا مقاطاعات… ت حاجة مكاينة تمااا وكايقولو الناس خرجوو كريوو واش عائلة على قدهااا تخرج تكري كون كان عندهم باش يكريو ايبقاو صابرين الدل المشكل مكايجاوبوناش معطاوناش لا مهلى محددة لا والوووو هذاا حزاء الصبر ناس عندهم 50 60 عام تواصل باش كانو تيكريو البراكة ويجييو يلووحهم فالغاابة كأنهم لايسو ابناء لهذا الوطن يهمشوونا فوقت لي كنا وسط المدينة وكولشي قريب طرام حداك اي حاجة حتاجيتهاا كاتلقاها بالقرب منك كيفاش غادي يقدرو يتأقلمو هاد النااس الدراري صغار فين ايقراو لي عندو شي خدمة كيف غ يدير يوصل ليهااا.

خلاصة حگروووونااا”.