تصريح مستفز.. نائبة أخنوش لأهل أكادير: “لي ما عجبوش الحال يخوي المدينة!” (فيديو)
هوية بريس – عبد الله المصمودي
أثار تصريح التجمعية نائبة أخنوش في تسيير مدينة أكادير بتصريح مستفز الكثير من المغاربة، حيث قالت: “لي ما عجبو الحال يخوي مدينة أكادير، ولا نجمعو ليه الفلوس يمشي لبلاد خرا”.
أغلب المعلقين نشروا هذه العبارة (دارو الحملة بـ”تستاهل حسن” سلاوها بـ”لي ما عجبوش الحال يخوي البلاد”).
أما يوسف الإدريسي فتساءل: هل تحولت أكادير إلى ملكية خاصة لعائلة تتحكم في السياسة والناس؟
قبل أن يجيب “نائبة أخنوش تقول لساكنة أكادير: لي ما عجبو الحال يخوي المدينة! وكأن أكادير ضيعة خاصة باسم العائلة. لكن الحقيقة أن أكادير ليست ملكا لأحد، بل مدينة وطنية يسكنها أحرار لا يقبلون بالفساد ولا بالاستعلاء. هذا الرد اللا-سياسي لا يسيء فقط لصورة حزبكم، بل يعتبر قدحا في ساكنة مدينة بأكملها، واستهانة بحقهم في التعبير عن الرأي والاحتجاج والنقد”.
ثم تساءل الإدريسي في منشور له على فيسبوك “أليس من حق المواطن الأكاديري أن ينتقد طريقة تدبير الشأن المحلي؟ أليس من واجب المسؤول أن يسمع لصوت الشارع بدل أن يطرده؟”، مردفا “المدن لا تدار بالغرور، بل بالحكمة والتواضع والإصغاء. أكادير لن تباع، ولن تدار بالتهديد، والتاريخ لا يرحم من يصغر من شأن المواطنين.. “قبلوا على هادشي ولا خوي لمدينة هههه””.
وختم منشوره بـ”عندما تتحول لغة السياسي إلى طرد جماعي لمن لا يصفق، ويصبح انتقاد التدبير جريمة تستحق النفي… أكادير ليست ملكا لعائلة، والمواطن ليس غريبا في مدينته… “حشمي شوية””.
وكتب شخص آخر (“لي معجبوش الحال يخوي علينا المدينة”..!! (مع الأحرار كل نهار تسمع خبار.. وتستاهلو أحسن)!!
هذي غا نائبة في تسيير مدينة.. ماذا لو كانت رئيسة تسير جهة؟!
في الغالب غتبدل ساكنة أكادير بساكنة تارودانت.. والناس ديال طاطا بالناس ديال اشتوكة آيت باها.. والناس ديال إنزكان آيت ملول شي نهار تصدر في حقهم أمرا بالترحيل التعسفي لتيزنيت.. والناس ديال تيزنيت يلقاو راسهم في هوارة.
الحاصول.. وقفو هذشي قبل ما تخرج الأمور على السيطرة).
وفي منشور ثالث: (ها شكون كيجيب أخنوش؟!
نائبة رئيس جماعة أكادير، فاش كتجاوب ساكنة المدينة اللي كتعاني من التهميش والتراجع فالجودة ديال الخدمات، ما لقات ما تقول إلا: “لي ماعجبو الحال يخوي علينا المدينة!”.
واش وصلنا لزمن المسؤولين اللي كيهينوا الناس بلا حياء؟
واش هادي هي الديمقراطية اللي كاتعطينا الحق فالمحاسبة؟
راه المسؤول جا باش يخدم المواطن ماشي باش يحتقره؟
إيلا المسؤول كيعتبر النقد قلة احترام فراه ما فاهمش المعنى الحقيقي ديال المسؤولية.
الساكنة ماشي ضيوف عندكم.
هاد المدينة ديالهم، ومطالبهم حق مشروع).
