د.هيثم طلعت يكتب: التخلي والتجلي عند غلاة الصوفية

هوية بريس – د.هيثم طلعت

في زمن “التخلّي والتجلّي” ظهر نوع غريب من الغلو الصوفي، وواجب علينا نحذّر منه… لأن العقيدة مش لعبة.

في ناس بقت تعمل حاجات مالهاش أي أصل في الإسلام، ولو اتساب الناس تتعلق بيها هتفسد العقيدة من جذورها. وده ملخص أخطر انحرافاتهم:

1- رؤية النبي والصحابة “يقظة”!

ويقولك “حضرة نبوية” وشُفت النبي ﷺ قدامي!
وده ملوش أي دليل… ومفتوح لوساوس الشيطان.

2- الحضرة الإلهية!

اعتقاد إن ربنا حالّ في الإنسان أو الكون!
وده من أبطل وأخطر العقائد اللي بتوقع في الشرك.

3- الفناء والرقص والتمايل والأوراد البدعية

وياخدوا نفسهم في جوّ “أنا ارتقيت واتخطبت”…
وابن تيمية قال: الشيطان يدخل فيهم ويتشكل لهم ويوهمهم إنهم وصلوا!

4- إسقاط التكاليف!

واحد يقولك: “أنت وصلت… أنت مع الديّان مالكش بالأديان!”
وده كلام خطير يخرب الدين من أساسه.

5- الاستغاثة بالأولياء والقبور

يدعو السيد البدوي وفلان وعلان!
وربنا قال:
{إن تدعوهم لا يسمعوا دعاءكم ولو سمعوا ما استجابوا لكم}.

6- الذبح لغير الله

زي اللي يذبح للقبر أو للولي…
والنبي ﷺ قال: “لعن الله من ذبح لغير الله”.

7- تصديق الكرامات لأي واحد منحرف

والإمام الشافعي قال:
لو رأيت الرجل يمشي على الماء ويطير في الهواء فلا تغترّ حتى تعرض أمره على الكتاب والسنة.

8- الرقص أثناء الذكر

الإمام مالك قال: “ما سمعت أن أحدًا من أهل الإسلام يفعل هذا.”
وده كفاية لوحده.

ليه بنحذّر؟

لأن التوحيد أنقى شيء في الدين… وأي اعتقاد فاسد يشوّشه:
• وحدة الوجود
• إن الشيخ يعلم الغيب
• إن الأموات يتحكموا في الأرزاق
• أوراد ما أنزل الله بها من سلطان
• دعاء غير الله
• طلب المدد
• الذبح لغير الله

كل ده طعن مباشر في “لا إله إلا الله” ومخالفة لأول واجب على العباد… وهو تنقية التوحيد.
وربنا قال:
{إن الله لا يغفر أن يُشرك به}.
وابن حجر قال كلمة من ذهب:
“إن المسلم يعيش جاهل ورا البقر وهو موحّد خير له من صوفي باطني يقرأ مية كتاب وعقيدته فاسدة”.

حافظ على عقيدتك… وحذّر غيرك، ولو بكلمة.
ده دين… مش تجربة روحية ولا رحلات “تجليات”.