“منشور 200 درهم” في فيسبوك لانتقاد ومهاجمة بيع الأصوات والذمم في الانتخابات

هوية بريس – عبد الله المصمودي

انتشر بشكل كبير في مواقع التواصل الاجتماعي على رأسها فيسبوك منشور 200 درهم، لمهاجمة وانتقاد بيع الأصوات والذمم في الانتخابات.

200 درهم أو “زرقالاف” هو المبلغ الذي يبيع به الكثير من المغاربة أصواتهم (وهناك من يأخذها ولو أنه لن يصوت على أحد) لصالح مرشحين لا همّ لهم سوى الوصول إلى كرسي البرلمان أو مجلس المستشارين.

فتحت عنوان “نصيحة”، جاء نص المنشور على الشكل التالي:
1- ملي تاخد 200 درهم: بلا ما تبقاش دير السينما في السبيطارات، والشعارات (آش هاد البلاد، الأطباء مكاينينش، الراديوات خاسرين، الدرويش معندوش فين يداوا…).
2- ملي تاخد 200 درهم، بلا ما تبقى تغوت قدام الناس ملي تلقى الحفاري والطريق ممصلوحاش، ملي طيح في شي حفرة في الطريق نفض حويجك من الغيس وكمل طريقك حتى الحفرة الجاية.
3- ملي تبيع راسك بـ200 درهم، بلا متبقى تهضر علا صحاب الجيليات و تفلسف على الناس ديال الباركينغ وعلاش وكيفاش الجماعة دوزت الصفقة. خلص وسكت، الجماعة دوزاتو في صفقة بـ200 مليون لحقاش انت بعتيه قبل منها بـ200 درهم.
4- ملي تشد 200 درهم، بلا متبقى تبان على الناس في الطوبيس ملي كيكون معطل ولا عامر بزاف وتقول ليهم بلاد كحلة، تفكر 200 درهم ديالك وسد فمك، ولا شد طاكسي كورسة.
5- ملي ضرب 200 درهم في الجيب، بلا ما تبقى تهدر على ملاعب القرب والفضاء الأخضر ودير فيها أوروبي قدام الناس وتغوت بحال شي مواطن راقي زعما، هاديك هيا بلاصتك.
6- ملي تبيع صوتك بـ200 درهم، بلا متبقى تمشي تحضر لدورات المجلس وتبدى دير فيها متتبع وفاهم الشأن العام المحلي، سير تكمش راك تلاقا مع اللي شراوك في الحملة الانتخابية وغادين يشوفو فيك شوفة ديال الحكرة والإهانة.
7- ملي يشريك مول الشكارة بـ200 درهم، بلا ما تبقا تكتب في الفايسبوك على الأوضاع ودير فيها مناضل فايسبوكي”.

وخلص المنشور إلى أن “الأوطان تبنى بالكرامة والمواقف ليس بورقة بنكية قيمتها 200 درهم”.

تجدر الإشارة إلى أن الحملة الانتخابية لانتخابات 08 شتنبر (القادم) الجماعية والتشريعية انطلقت اليوم الخميس 26 غشت 2021.