نبيلة منيب تنتقد بحدة كفاءة بعض النواب البرلمانيين

هوية بريس- متابعة

انتقدت نبيلة منيب، الأمينة العامة والبرلمانية عن الحزب الاشتراكي الموحد، زملاءها البرلمانيين، ممن قالت إنهم لا يمتلكون التجربة والثقافة السياسية، وبأنهم ليسوا نزهاء ويفتقرون للكفاءة.

وقالت منيب، خلال استضافتها في برنامج “بدون لغة خشب”، أمس الجمعة (29 شتنبر)، على إذاعة “ميد راديو”، “اليوم عدد من القوانين ما كتدوزش فالبرلمان كيدوزها بمراسيم، وأنت غير جالس فداك البرلمان ما عارفش أش كتدير ماشي نزهاء”. مضيفة، “الناس اللي فالبرلمان ماشي نزهاء كاملين، وماشي ناس اللي عندهم كفاءات عالية، ناس جالسن تما غير جالسين والسلام، وحتى المشاركة ديالهم فاللجان كتبقى قليلة، وكتلقى واحد المجموعة هي اللي كتدير كلشي وكتسير الأمور”.

وزدات المتحدثة: “دابا البرلمان راه فيه ناس ما عندهم حتى تجربة سياسية، ما كانوش فالأحزاب، وحتى يلا كانوا فأحزاب كانوا فأحزاب ضيعة، كيقولوا ليها وقفي وقفي جلسي جلسي، هادو اللي كيدخلو لهاد الأحزاب بلا ثقافة سياسية، حنا عندنا الأمية السياسية فالبلاد، فكيوصلو بقدرة قادر إلى البرلمان يلا كان الحزب اللي هوما فيه مرضي عليه”. مردفة، “كيوصلو تماك عاد غيقولو ما كايناش الكفاءة هوما براسوهم ما عندهومش الكفاءة، واش يصاحبك هادا سوق عكاظ، هدا راه برلمان، خاصو يدافع على البلاد وحاضرها ومستقبلها، والناس اللي فيه يكونو كيطالعو كيقراو، ويكونو عارفين المخاطر المحدقة بالبلاد، وهاد الناس كاينين فدار غفلون”.