مرضى بقسم الإنعاش يعانون من “انقطاع الأوكسجين” وقضاء حاجتهم في ثيابهم
هوية بريس – عابد عبد المعنم
يعاني المصابون بكورونا بمستشفى الغابة بالقنيطرة من عدد من المشاكل أبرزها الاختفاق في ساعات متأخرة من الليل حيث لا يجدون من يسعفهم ويقدم لهم يد العون.
وكتب الصحفي بلعيد كروم “عفاكم الناس لي عندهوم المداومة الليلية بوحدة كوفيد بسبيطار الغابة، ضاعفو الجهود ديالكوم على ود دوك المراض مساكن لي دايرين الأوكسجين..راه كاينين حالات كيتخنقو فالواحدة أو الجوج أو الثلاثة ديال الصباح وكيحتاجو تدخل مستعجل باش يبقاو على قيد الحياة خاصة وأن العديد منهم كيقول بأن الأوكسجين كيتقطع عليهوم بالليل”.
وأضاف ذات الصحفي “الله يرحم بها الوالدين ديرو دوك المراض فحال أولادكم أو خوتكم أو والديكم، راهوم محتاجين للدعم ديالكوم، حنا والله كون كان مسموح لينا نكونو معاكم كون لبينا النداء، ولكن بغا الله يجي الخير على يديكوم”.
وكشف كروم أه يتلقى يوميا رسائل شكر للمجهودات التي تبذلها الأطقم الطبية وأضاف “الناس كاتشكر المجهود لي دايرين وكاطلب منكم تزيدو من العمل ديالكم وديرو بحسابهوم فالليل وفالساعات الأولى ديال الصباح.. الكثير منهوم كيقضي حاجتو فحوايجو وكيقنط والحالة النفسية ديالو كاتهتز وكاتتوتر وهادشي كيزيد يخنقهوم خصوصا فالليل….المهم، الأطباء والفراملية والتقنيين وحراس الأمن الخاص وليفام دميناج الله يجازيكوم كاملين بخير على العمل لي كاتقوم بيه.. وكانتمنى تزيدو تردو بالكم من دوك المرضى”.
وختم صحفي يومية المساء تدوينة على صفحته بالفيسبوك بقوله “الحمد لله حنا فالمغرب معندناش نقص فالأوكسجين وبالتالي شوية ديال الصبر والخدمة والمزيد من التضحية نقدرو نقذو أرواح العديد من الناس”.
