بعد “مسيرات كورونا” بروفيسور يصرخ “صافي ساليتو معانا.. أينكم يا وعاظ الدولة المبجلين؟”
هوية بريس – عابد عبد المنعم
بعد تجمهر عشرات الأفراد في مسيرات احتجاجية بكل من طنجة وتطوان وفاس وسلا كتب البروفيسور محمد موهاوي، في تدوينة له “عار عليكم يا (بعض) ناس فاس وطنجة ما فعلتم ستبقى وصمة عار في تاريخكم ضربتم عرض الحائط التوصيات الطبية والعسكرية وكأن هذا ليس وباء فتاك”.
وأضاف أستاذ التخذير والإنعاش “لا هادي هي الضربة القاضية ! لاصافي ساليتو معانا! عرفتوا أش يجيكم حسن، فاش تساليو التكبير، والتلبية والإيمان العميق ديالكم، كملوا خيركم وأجيوا تخدموا بلاصتنا! باش يالله أصلا الإدارة لي مقاتلة معانا بزاف والأساتذة والأطباء والممرضين والأعوان نرتاحوا شويا! باش يالله أنا شخصيا نخرج من هاد البوييت لي حابس فيه راسي في وسط المنزل ديالي هادي كثر من أسبوعين م قادرش تقرب لوليداتك وهوما حداك ! باش يالله م نمشيوش للسبيطار الصباح ونتا راك عارف تقدر تعادا وتقاص وتموت ومع ذلك تتمشي! بش متأزمش كل يوم تا تسمع الحالات الخطيرة بداو تا يتزادوا وغاديين يموتوا وبنادم في دار غفلون !”.
وختم البروفيسور تدوينته بقوله “الله عز وجل قال لينا ناخدوا بالاسباب عاد ندعيو، ماشي التفاهة واللامسؤولية ونكملها بالتكبير فالشارع جماعات! أينكم وعاظ الدولة المبجلين؟ كولشي مخبي دابا؟ أش هاد العبث؟ بغيت غير نفهم زعما هاد الاطباء والممرضين بانوا ليكم كراكيز، زعما لهلا يقلب بهم؟ حسبي الله ونعم الوكيل! كيفاش تقدر تحمس الناس وأنت أصلا ت يدمروك هاد الشردمة!”.
تجدر الإشارة إلى أن هذه الحادثة أثارت غضبا وسخطا عارمين، وعبر عدد من الفاعلين ونشطاء مواقع التواصل الاجتماعي عن رفضها وشجبها.
افتحوا المجال للدعوة والعلماء المستقلين
لتوجيه الناس التوجيه الصحيح للتعامل الصحيح مع هذه الجائحة وغيرها
الظرفية لا تحتمل الإقصاء والتهميش
على الأقل تستافدوا من توجيهاتهم المسموعة
اللهم قد بلغت
اللهم فاشهد
هذا دور السلطة اولا وقبل كل شئ ويجب زجر هؤلاء دون رحمة ولا شفقة لان هؤلاء لا يهمهم التدين بل هم فتنة يجب إخماذها وبعد ذالك يتكلم اهل العلم وأهل الحكمة