افتحوا النوافذ إذا دخلتم لحمام البيت بالشوفو.. تجنبا للاختناق بهذا الغاز السام!!

هوية بريس – عبد الله المصمودي

يتم تداول منشور على فيسبوك يحذر من دخول حمام البيت بالشوفو، دون فتح نوافذ المنزل، حتى لا يقل الأوكسجين داخل البيت إلى أن ينعدم، فيتسبب ذلك في منع الاحتراق الكامل لغاز البوتان مع الأوكسجين، وينقلب عمل “الفلام” إلى حرق غاز ثنائي أوكسيد الكاربون، وهو الاحتراق غير الكامل الذي يفرز غازا ساما يسمى أحادي أوكسيد الكاربون لا لون ولا رائحة، لكنه غاز سام ويقتل بسرعة.

المنشور نبه إلى أن أغلب حوادث الموت بالشوفو تقع في فصل الشتاء، وذلك بسبب إغلاق أبواب ونوافذ المنزل بسبب البرد، وهو ما يمنع من تجدد دخول الأوكسجين إلى المنزل، لذلك ضرورة ترك مجال للتهوية.

وهذا نص المنشور المتداول، مكتوب بالدارجة: “الناس لي كيموتوا بالشوفوا دالحمام بالمئات كل سنة في المغرب.
راه واحد المغالطة كبيرة منتشرة في هاد الموضوع ولي الاسف الاغلبية د الناس في بالها أن السبب هو تسرب الغاز مع الماء.
أولا ماشي تسرب الغاز د البوطة مع الما لي كيقتل وهذا خطأ مُشاع
لأن الشركات د قنينات الغاز عاملة لهاد الغاز رائحة تُميزه عن باقي الغازات وبالتالي عند اي تسرب الضحية سيشُم الغاز ويفطن، زائد هو ماكيخنقشي غير كيشتعل
لا شك أننا جميعا لاحظنا أن كل الوفيات د شوووفوو كتكون في فصل الشتاء وحده رغم اننا كاملين كنخدمواه في باقي الفصول، صيف و ربيع وغيرها ومكيكونشي وفيات ولا حوادث من هاد القبيل
علاش؟؟
لأن بكل بساطة ماشي الشوفوو لي كيقتل ، لي كيقتل هو الغاز السام احادي أكسيد الكربون.
كفاش؟؟؟
المهم كلنا نعرف ان نسبة الاوكسيجين في الجو هي 21%.
وكلنا نعرف ان اي إحتراق كامل ضروري له من أوكسجين باش يكون كامل.
دبا نربطوا هادشي بفصل الشتاء ؟؟ علاش الحوادث كتكون غير في فصل الشتاء وعلاش الضحية ما كيحس بوالوا حتا كيموت وهو واقف؟؟
شوفوو كتكون فيه واحد الفلام صغيرة شاعلة.
ديك الفلام ضروري ما خاصها الاوكسجين باش تعمل إحتراق كامل.
والانسان فاش كيكون عامل شوفو فوسط الدار وكيكون فصل الشتاء كيكون الشراجم ومنافد دخول هواء جديد لدار مشدودة لأنه كاين البرد وبالتالي نسبة 21% د الأوكسجين لي فدار كتكون ثابثة وفاش كتشعل نتا شوفوو ديك الفلام ديالو كتبدا تكونصومي من ديك 21% دالاوكسجين حتا كتقل النسبة بزاف وهنا ديك الفلام مكتطفاش ولكن كدوز تدير عملية اخرى وهي الاحتراق الغير الكامل مع غاز ثنائي اوكسيد الكاربون وهاد الاحتراق الغير الكامل هو لي كيعطينا الغاز السام احادي أوكسيد الكاربون لي ماعندو لا لون لا رائحة لكنه غاز سام ويقتل بسرعة.
ولي تفادي هاد الامر ركب شوفوو فشي بالكون ولا قدام شي شرجم وفاش تبغي تدوش خلي شي شرجم محلول في دار منين يدخل شوية دالاوكسجين والحمام لي كتدوش فيه ضروري من شي فتحة د التهوية ولا شرجم وخا غير صغير”.